【開心分享】 「因為你愛我」(下)
我個學生講完之後，我就嘗試用佢嘅方法解釋：「其實愛係會減少同增加㗎喎！」佢聽完都係話我唔可以咁對佢，我就唯有用量化嘅方式令佢明白。
我：本身我愛你有100分，但係因為你呃咗我幾次，所以我愛你只得返70分！
學生：(諗咗一陣，而我都估到佢會講咩) 70分都有B grade喎！
我：但係嚟呢度嘅小朋友都係A grade喎，媽咪就有A grade，咁不如我教媽咪啦，佢唔會講大話。
學生：(突然發現原來B grade係唔夠) 吓！咁我咪無得上堂囉！
我：你要做返好，唔係只講唔做，做唔到唔緊要，不過要有原因。做錯要認同道歉，咁我對你嘅愛就會增加返㗎啦！
學生：(好擔心嘅樣) 對唔住呀！
之後個學生就無再呃我，我俾返A grade佢，哈哈哈！我本身就好愛我嘅學生！
.
.
.
Comentários